Accessibilitéit vun de Wale fir Jiddwereen
Den Zougang zu Informatiounen iwwer d'Walen erliichteren!
Wielen ass en Akt, deen et Leit mat enger Behënnerung erméiglecht, hir politesch Rechter effektiv auszeüben an un der Wal vun hire Vertrieder deelzehuelen, déi Entscheedungen huelen déi si betreffe kënnen. An der Praxis ginn et awer nach ëmmer Hindernisser fir dat effektiivt Ausübe vun hire Rechter. Wéi am Artikel 29 vun der UNO-Konventioun iwwer d'Rechter vu Persoune mat Behënnerung (CRDPH) steet, muss de Staat dofir suergen, datt hien den Zougang zu de Walen erliichtert. Dat geschitt ënner anerem duerch Prozeduren, déi fir jiddereen accessibel sinn.
Aus deem Grond huet de Ministère fir d'Familljen, d'Integratioun an d'Groussregioun 2017 en Aarbechtsgrupp gegrënnt, deem säin Optrag et ass d'Recommandatioune vum CRDPH Expertecomité iwwer d'Participatioun um politesche Liewen a besonnesch iwwer d'Accessibilitéit vun de Wale fir Leit mat enger Behënnerung, ëmzesetzen.
Fir d'Walmaterial, dat fir d'Walen 2023 entwéckelt gëtt, an den Zougang zu de Walen nach méi benotzerfrëndlech ze gestalten, ass d'Ënnerstëtzung vun alle Bedeelegten néideg - de Wieler wéi och de Gemengen, déi fir d'Organisatioun vun de Walen zoustänneg sinn.
De Projet ass an zwou Phasen opgedeelt:
- An enger éischter Phase - exklusiv fir d'Gemengen - ginn d'Gemengen opgefuerdert un enger Ëmfro deelzehuelen.
- An enger zweeter Phase ass et un der Allgemengheet hir Meenung zu spezifeschen Aspekter auszedrécken.
Schlussendlech ginn d'Resultater souwéi déi konkret Mesuren zur Accessibilitéit vun de Wale fir Leit mat enger Behënnerung presentéiert.
Phasen
Ëmfro fir d'Gemengen
Fir den Inventaire vun de bestoende Moossnamen um Gemengenniveau z'erstellen an d’Walmaterial, dat vum Aarbechtsgrupp fir d'Walen 2023 entwéckelt gëtt fir d’Wale méi accessibel ze maachen, unzepassen an ze verbesseren, sinn d'Gemengen invitéiert ginn un dëser Ëmfro deelzehuelen. D'Ëmfro wuer nëmme fir d'Gemenge siichtbar.
D'Froen waren iwwer:
- Kennt Dir de Klaro Déngscht?
- Kennt Dir d'"Leichte Sprache"
- Kennt Dir de "Centre pour le développement des compétences relatives à la vue"?
- Kennt Dir d'Walschabloun fir Blann a Leit mat Siichtbehënnerunge?
- Kennt Dir den "Zentrum fir politesch Bildung"?
- Kennt Dir d'Broschür "Check Politik"?
- Kennt Dir "Info-Handicap"?
- Kennt Dir d'Broschür "Accessibilité des bureaux de vote"?
- Wéi huet Är Gemeng déi geplangten Amenagementer fir Wieler mat Behënnerungen kommunizéiert?
- Fir d'Chamberwalen (2018) an d'Europawalen (2019) kruten d’Gemengen e Walbescheed a Walreglement a liichter Sprooch geschéckt. Wéini hutt Dir dëst Informatiounsmaterial a Kenntnis geholl?
- Wéi eng Moossname goufe geholl fir d'Walen accessibel ze maachen?
- Hutt Dir e Koordinator ernannt fir Froe mat Bezuch op Bedierfnesser vun de Wieler mat spezifesche Besoinen?
- Wéi vill Leit hunn eng Demande gemaach mat Bezuch op d'Accessibilitéit vun de Walen?
- Wéi vill Leit hunn d'Schabloune fir déi Blann an Sehbehënnert benotzt?
- Wëllt Dir méi Informatiounen zu dësem Thema?
[PT]
Para poder elaborar um inventário das instalações existentes a nível municipal, em particular para adaptar ou mesmo melhorar o material eleitoral para as eleições de 2023, que está a ser desenvolvido pelo grupo de trabalho, e assim tornar as eleições mais acessíveis, os municípios foram convidados a participar neste inquérito.